Skip to content

讀書的意義在於辨別是非黑白

  • by

(This blog post is about the purpose of studying, written in Chinese)

今日想寫少少特別啲嘅嘢 — 襯自己大學畢業前,想談談讀書。

或者唔少人認為,讀好書,將來可以搵一份好工,能夠賺多啲錢,過更好嘅生活。

我並不完全同意。

誠然,學歷可以換取到某啲職業嘅入場券,但同時,我哋唔可以否認,亦有唔少人並無高學歷,卻又搵到好多錢。依啲例子,古今中外,比比皆是。

遠至Mark Zuckerberg, Elon Musk,近至香港嘅李嘉誠先生,佢哋都並無世人認可嘅「高學歷」,卻喺事業上有所成就。唔出名嘅,亦有好多人讀書不成仍賺到相當唔錯嘅穩定收入。

因此,如果人嘅目標係搵錢,讀書未必係必要。於我而言,讀書嘅意義,在於學識辨別是非黑白。

讀書,不論係讀咩科目,講嘅係求真精神。求學者明白自己嘅力量同知識有限,虛心向學,令自己一步一步可以接近真相,過程中,亦都同時獲取判斷是非,分清黑白嘅能力。唔會一口咬定覺得自己已完全掌握某一範疇嘅知識,但會能已自己有嘅能力去辨別是非黑白。

識得分清黑白後,就係要進一步,一個更加難嘅一步:就係「君子有所為,有所不為。」讀書人比其實係古代嘅君子,分清錯對後,因自己嘅良知,有啲該做嘅事,即使難都會去做;而一啲唔應該做嘅事,即使名利財色嘅誘惑,都拒絕唔做。否則,讀書就係有啲白費咗了。先賢嘅教訓同榜樣,就全部都無意義。